Meðferð með húðfyllingarefnum – Áhrif og ferli

Hvað er húðfyllingarefni?

Húðfyllingarefni er efni sem komið er fyrir í húð manna til að auka fyrirferð húðarinnar þar sem vefur er rýr. Fyllingarefni sem brotna niður (biodegradeable) eru mjög vinsæl þar sem eilíf efni (permanent fillers) veita vissa áhættu. Ein lína niðurbrotlegra efna er Restylane® (http://www.restylane.com). Ólíkum efnum línunnar er komið fyrir í litlu magni í vefjum manna allt eftir hvaða áhrifum sóst er eftir þar með talin húðsvæði svo sem brjóst og rasskinnar.

Á milli fruma í leðurhúðinni er millifrumuefni (extracellular matrix) en ein meginuppistaða þess er hýalúronsýra (hyaluronic acid). Fyllingarefni eiga það sameiginlegt að vera stabíliseruð hlaup með hýalúronsýru sem eigi er unnin úr dýrum. Þannig er ekki um að ræða efni sem er mjög fjarrænt líkamanum. Milljónir meðferða með þessum fyllingarefnum hafa verið gefnar í yfir fjölmörgum þjóðlöndum.

Fjölmargir aðrir framleiðendur framleiða hlaup með hýalúrónsýru og má þar nefna Juvéderm® línuna.

Hvernig fer meðferðin fram?

Meðferðin fer þannig fram að fyllingarefni er komið fyrir í húðinni með því að spauta því inn. Meðferðin tekur oft á milli 30 til 60 mínútur eftir umfangi.

Flest fyllingarefni innihalda deyfilyf og því er óþarfi að deyfa frekar en sé það ekki til staðar kemur til greina að deyfa með deyfikremi. Það er þó ekki notað til deyfinga á vörum sem gjarnan eru deyfðar með munnholsdeyfingu. Með kremdeyfingu tekur oft um 2 klst að fá fram góða deyfingu en eingöngu nokkrar mínútur með munnholsdeyfingu. Komi til kremdeyfingar vistast fólk hjá okkur á meðan á deyfingu stendur og hefur gjarnan með sér fartölvu eða góða bók.

Horfa á myndband á YouTube

Horfa á myndband á YouTube

Hvenær koma áhrifin fram og hve lengi vara þau?

Áhrifin koma strax fram eftir meðferðina og endast þau mismunandi lengi eftir einstaklingum og svæðum, oft frá 6 mánuðum og upp í 2 ár. Restylane® framleiðandinn segir reynsluna gefa til kynna að við endurtekna meðferð geti verkunartíminn lengst. Sé meðferð hætt brotnar niður það efni sem til staðar er í húðinni en þegar það hefur allt brotnað niður er sem meðferð hafi aldrei komið til.

Af athygli kunna einnig að vera greinarnar:

• Andlitslyfting (face-lift)
• Bólur og fílapenslar (þrymlabólur eða acne vulgaris)
• Innfallin ör m.a. í andliti
• Andlitslýti vegna hrukkna og fellinga
• Laser til lækninga húðlýta og húðsjúkdóma
• Meðferð með Hrukkubana (vöðvaslakandi efni) gegn hrukkum og fellingum
• Meðferð með FACES/ELOS
• Þess vegna fá eldri konur bólur

“Fyrir” og “eftir” myndir með fyllingarefnum einum sér (úr myndasafni Restylane® af siðaástæðum). Ath að í nokkrum tilfella er eingöngu “grynnkað” á hrukkum og fellingum en sumir kjósa að ganga ekki lengra til að breytast ekki um of.

All pictures on this page are copyrighted and provided by the courtesy of Galderma S.A.

FACES™/ELOS meðferðir kæmu einnig til greina en þó eingöngu FACES™ umhverfis augu og eingöngu húðfyllingarefni til aukningar vararúmmáls (sjá sér grein um „FACES-ELOS„). Jafnframt kæmi til greina að notaHrukkubana við hrukkum út frá augunum (sjá sér grein um Hrukkubana.)